ما الفرق بين فيزا شنغن ذات دخول واحد أو مزدوج و فيزا شنغن متعددة الدخول ؟
في ناس كتير لسه مش عارفه الفرق بين الدخول الشنجن المرة الواحد والمرتين والمتعددة طيب تعالوا اشرحلكم واحدة واحدة
1. تأشيرة شنغن ذات الدخول الواحد
single entry
لو اخدتها علي التاشيرة ليك الحق تدخل منطقه الشنجن مره واحده وتلف كل الدول بس لو خرجت مستحيل تدخل تاني علي سبيل المثال
انا اخدت فرنسا ٢٠ يوم دخول مره واحدة وسافرت فرنسا بالفعل قعدت ١٠ ايام وروحت ايطاليا ٣ ايام واسبانيا ٤ ايام كده المجموع ١٧ يوم روحت رجعت مصر ولسه فاضل ٣ ايام عشان انا واخدها ب ٢٠ يوم مقدرش اخش تاني لازم اطلع تاشيرة جديدة
2. تاشيرة شنغن ذات الدخول المزدوج Double entry
2. تاشيرة شنغن ذات الدخول المزدوج Double entry
من اسمها هتلاقوا مفيش اختلاف زي تأشيرة شنغن ذات الدخول الواحد بس الفرق انك تقدر تخش بيها مرتين الشنجن فقط يعني زي المثال الي فوق بالظبط بس اقدر ارجع تاني اكمل ال ٣ ايام
3. فيزا شنغن متعددة الدخول multiple entry
3. فيزا شنغن متعددة الدخول multiple entry
دي بقي بتاخدها لما بتسافر كذا مره الشنجن وترجع في معادك ودي حلوة انك بتقدر تخش وتطلع الشنجن برحتك خلال المده الصالحة للتاشيرة
وانواعها هما
أ. تأشيرة شنغن متعددة الدخول لمدة عام واحد
والاغلبية الي بياخذوها الناس الي سبق له الحصول على 3 تأشيرات شنغن واستخدموها بشكل قانوني خلال العامين الماضيين
ب. فيزا شنغن متعددة الدخول لمدة 3 سنوات
والاغلبية الي بياخذوها الناس الي سبق له الحصول على تأشيرة دخول متعددة لمدة عام واستخدموها بشكل قانوني خلال العامين الماضيين
ج. فيزا شنغن خمس سنوات
والاغلبية الي بياخذوها الناس الي سبق له الحصول على تأشيرة دخول متعددة سابقة واستخدموها بشكل قانوني صالحة لمدة عامين على الأقل خلال السنوات الثلاث السابقة
ده كان جزء مبسط من الفرق بين انواع مده التاشيرة
واي سؤال اكتبهولي في كومنت
تعليقات
إرسال تعليق