بالتفصيل .. الدراسة فى اوروبا وافضل الجامعات الاوروبية وروابط التقديم

ازاي تدرس في اوروبا

انا هتكلم عن حاجتين “اللغة” و حاجة تانية “اختيار البلد” ناس كتير بتسال اروح اكمل دراسة فين.

يلا بيننا؟

اولاً : اللغة : ببساطة شديدة لو هتروح تدرس في اي بلد اوروبي عندك اختيارين يا اما تدرس بلغة البلد يا اما تدرس بالانجليزي و في اي بلد الاختيارين موجودين لكن المؤكد انك لما تدرس بلغة البلد دا بيخلي الاختيارات قدامك اكتر و الدنيا الطف كتير و هتكلم كمان شوية ازاي الطف

طب اجيب كام في امتحان ال IELTS عشان اتقبل ؟ مفيش رقم محدد بس معظم الجامعات بتقولك هات من ٥،٥ ل ٧،٥ اقصي حاجة ، طبعا الارقام دي بالنسبة ل IELTS و الامتحانات التانية بتحتاج ما يعادل الدرجة دي بالنظام بتاعهم ودا سهل تعرفه اونلاين من اللينك دا : https://goo.gl/QTc7gY

عشان تاخد امتحان الايلتس تاخده من البريتيش كاونسل و قدم ع الامتحان من هنا : https://goo.gl/YXFBXi

ثانياً بقي ودي الاهم : اروح فين في اوروبا ؟

اختار ازاي؟ لازم تعرف ان مفيش دولة كاملة من كل حاجة وخلينا نقسم الدول بتاعت اوروبا ٣ اقسام تساعدك في تحديد الدولة دي :

١- دول غنية، عيشة مستريحة، تعليم نضيف،شغل كويس بس غالية و بيتكلموا لغات صعبة

الدانمارك ، السويد، النرويج، فنلندا، سويسرا، (نقدر نقول المانيا وفرنسا)

الدول دي دول غنية و تعليم احسن حاجة في الدنيا بس كلهم التعليم فيهم غالي نسبيا خاصة لو هتدرس بالانجلش او علي حسابك مش منحة و كمان لغاتهم صعبة يعني مين يحب يتعلم فنلندي؟ جدير بالذكر ان في دول منهم زي السويد معظم الجامعات الحكومية هناك هتقبلك ببلاش لو هتدرس بالسويدي وهتديك تسهيلات كتيرة جدا فدي ممكن تبقي سكة حلوة تمشي فيها.

اختار برامج في جامعات المانيا من اللينك دا :https://goo.gl/sR7LMV

٢ - دول مش غنية اوي بس تعليم معقول و امكانية الشغل مش قليلة ومش غالية اوي لكن مش احسن بلد تعيش فيها

اسبانيا، التشيك ، لاتفيا، استونيا، ليتوانيا، بولندا، البرتغال

الدول دي سهل اوي تتقبل فيها و شروطها سهلة نسبياً و الشغل فيها موجود ولو بنسبة اقل من الدول اللي فوق ، تقدر تدرس فيهم بالانجلش من غير ما تدفع فلوس كتيرة ولا بيطلبوا منك فلوس كتيرة وتقدر تعيش لحد ما تتخرج لكن طبعاً مش احسن دول تعيش فيها مستوي المعيشة فيها قليل (اسبانيا والبرتغال افضلهم)

اختار جامعات في استونيا من اللينك دا : https://goo.gl/zvGxyu