طريقة التقديم على فيزا انجلتر 2023
المقال طويل شويه بس بما ان السفارة البريطانية من اكتر السفارات اللي
بتدي رفض .... وهي من الدولة القليلة اللي فاتحة تأشيرة السياحة حاليا
.....فالبوست دا هحاول اجمع فيه التركات المتعلقة بفيزا بريطانيا وإيه
الأوراق المطلوبه وايه مميزاتها وممكن تروح بيها فين غير المملكه المتحده
(انجلترا اسكتلندا ايرلندا ويلز)
اول حاجه في كام نقطه كدا لازم
نتفق عليهم لانهم بشكل كبير بيأثروا على قرار الخارجيه تديلك الفيزا ولا
لاء .... وانا مش بقول ان الموضوع حتمي يعني لازم بس دا بيزود او بيقلل
نسبه حصولك على الفيزا
* يكون عندك ترافيل هيستوري معقول بمعنى تكون روحت 4 او 5 دول في فتره متقاربه يعني ماتروحش تقدم بباسبور فاضي
*
الاتش ار ليتر ...حاول بقدر المستطاع ان الصيغه تكون كالاتي انك موظف في
وظيف كذا من تاريخ كذا وراتبك كذا وانك ترغب في قضاء اجازتك السنويه في
بيريطانيا وان الشركه ليس لديها مانع من ذلك و الشركه تتمنى ان السفاره
تساعدك في تحقيق ذلك
* لو انت مش موظف ومن اصحاب المهن الحرة مفيش
مشكلة السجل التجاري والبطاقة الضريبة تكفي بس يكون مر على الاتنين اكتر من
٦ شهور ...يعني ما تعملش ورق جديد وتروح تقدم بيه
* حساب البنك
ودا من وجه نظري اهم حاجه في الموضوع كله و معظم اسباب الرفض بتكون عليه
فلذلك هنطول شويه في الشرح .... اولا لازم نفهم السفارة بتدور على ايه في
حساب البنك لان ناس كتير فاكره ان طالما حاطت رقم محترم في الحساب هو كدا
تمام... والكلام دا مش صحيح خالص لان السفاره بتدور على مجموعة حاجات في
الحساب
1) ان الراتب الموجود في الاتش ار ليتر هو نفسه اللي بينزل في الحساب وبانتظام شهري
2)
ان الراتب دا بعد خصم نفقات المعيشه اليوميه منه يكون فيه فائض يسمح لك
بالترفيه والسفر وبالتالي المبالغ الموجوده في الحساب دي نتيجه ادخار
تراكمي من دخلك
3) ان المبلغ الموجود دا اساسا يكفي نفقات المده اللي انت كاتب انك هتقضيها في بريطانيا
4)
مصادر التمويل الاضافي يعني حد بيحول او بيودع في حسابك حتى لو مبالغ
صغيره لانهم بيهتموا جدا بالمصادر عشان غسيل الاموال و تمويل الارهاب....
الخ
طيب ايه شكل الحساب النموذجي للسفاره
- بيزل فيه راتب شهري بانتظام
-ماعلهوش تحويلات او ايداعات... ولو عليه لازم تكون مبرره بمعنى انك بتكتب سبب الايداع او التحويل
-الرقم الموجود يكون متناسب مع دخلك ولو فيه رقم كبير نتيجه لاي سبب تاني لازم توضحه بيع عقار ارث ارباح من شراكه في شركات او اسهم.. الخ
- الرقم مش
لازم يكون ضخم بس على الاقل يكون 4 اضعاف المبلغ اللي انت هتصرفه في السفر
لان برضه مش منطقي بالنسبه لهم انك تصرف كل اللي حيلتك عشان تتفسح لكن ممكن
تصرف 25% منه معقول جدا
فيه ناس عندها اكثر من حساب وبتقدمهم كلهم
ودا برضه مش صح لان الموظف بيتشتت وبيضيع في قصه مصادر الدخل الاضافي
وغالبا بتترفض.... الافضل ركز في حساب واحد وحاول طبق الكلام اللي مكتوب
فوق
* نقطه اخيره خاصه بمده الرحله في ناس بتكتب شهر واتنين ودا
الحقيقه بيسبب قلق للموظف هل انت فعلا رايح سياحه ؟! بص يا سيدي هيا كدا
كدا الفيزا 6 شهور متعدده فماتكتبش اكثر من اسبوع او عشر ايام ... اولا
عشان حساب التكاليف اللي اتكلمنا عنه ثانيا عشان مايكونش فيه قلق انك هتهرب
او تشتغل
كدا دي النقاط العامه و لو حد حابب يستفسر اكثر اكتب في الكمنتات وان شاء الله ارد عليك
طيب ايه الميزه في فيزا بريطانيا .... طبعا لاشك ان اغلب الناس تعرف انها واحده من اهم الفيز في العالم ولذلك تبدوا صعبه....
اولا :هي بتديك 6 شهور متعدده من اول مره غير الشنجن مثلا اللي ممكن تديك ايام محدوده اول مره
ثانيا:
هي بتفتحلك مجموعه دول ليس لها علاقه ببريطانيا اساسا بس وجودها على
الباسبور بيتيح لك دخول الدول دي سواء بختم عند الوصول او تأشيرة إلكترونية
ومنها تركيا جورجيا صربيا مقدونيا الجبل الاسود البانيا (البانيا تشترط
انك تكون دخلت بريطانيا اولا)
ثالثا: بتفتح لك الدخول لمجموعه من
دول التاج البريطاني (ماعدا استراليا وكندا ونيوزيلندا) واقاليم ما وراء
البحار ودول حوالي 26 دوله زي جبل طارق و جزيره مان و فيجي و بابوا وجزر
سليمان وجزر العذراء وساوث جورجيا وساوث ساندوتش و فوكلاند وسانت
هيلينا...الخ
حاليا فيه مجموعة إجراءات لازم تعمل حسابها وانت
بتقدم خاصة بكورونا منها ان مطلوب PCR قبل السفر بحد اقصى ٧٢ ساعة ...
ومطلوب بوست كود او الرمز البريدي للمكان اللي هتقضي فيه مدة العزل الطبي
وهي ٥ ايام .... وفيه فورم هتعبيها وانت بتعمل البوردنج في المطار لازم
يكون فيها رقم تليفون المكان دا كمان او رقم موبايل شخص هناك يقدر يوصل لك
اسف
على الاطاله ولكن الهدف كان الافاده والكلام ينطبق على التقديم من كافه
دول الشرق الاوسط والخليج.... وعلى صفحتي في بوستات تانية للشنجين وامريكا
تعليقات
إرسال تعليق